GWEINIDOGION Y DU SY'N GWEITHIO MEWN MEYSYDD DATGANOLEDIG
100 - Rheoliadau Ysgewyll a Hadau (Diwygiad) (Ymadael â'r UE) 2019 Dyddiad gosod yn Senedd y DU: 5 Chwefror 2019
Sifftio
A fydd angen eu sifftio yn Senedd y DU?	Bydd
Gweithdrefn:	Negyddol arfaethedig
Dyddiad trafod gan Bwyllgor Offerynnau Statudol Ewropeaidd Tŷ'r Cyffredin	Ddim yn hysbys
Dyddiad trafod gan Bwyllgor Craffu ar Is-deddfwriaeth Tŷ'r Arglwyddi	Ddim yn hysbys
Y dyddiad y daw'r cyfnod sifftio i ben yn Senedd y DU	12 Chwefror 2019
Datganiad ysgrifenedig o dan Reol Sefydlog 30C:	Papur 31
Memorandwm Cydsyniad Offeryn Statudol o dan Reol Sefydlog 30A (oherwydd ei fod yn diwygio deddfwriaeth sylfaenol)	Nid yw'n ofynnol
Gweithdrefn graffu
Canlyniad y broses sifftio	Ddim yn hysbys
Y weithdrefn	Negyddol neu Gadarnhaol
Dyddiad trafod gan y Cyd-bwyllgor ar Offerynnau Statudol	Ddim yn hysbys
Dyddiad trafod gan Bwyllgor Offerynnau Statudol Tŷ'r Cyffredin	Ddim yn hysbys
Dyddiad trafod gan Bwyllgor Craffu ar Is-deddfwriaeth Tŷ'r Arglwyddi	Ddim yn hysbys
Sylwadau Cynigir bod y Rheoliadau hyn yn cael eu gwneud gan Lywodraeth y DU yn unol ag adran 8(1) o Ddeddf yr Undeb Ewropeaidd (Ymadael) 2018. Mae'r Rheoliadau hyn yn gwneud diwygiadau mân a thechnegol i nifer o Reoliadau'r Undeb Ewropeaidd a fydd yn gyfraith yr UE a ddargedwir ar ôl i'r DU ymadael â'r UE, sy'n ymwneud â'r rheolau ar fewnforio, cynhyrchu ac ymdrin â hadau ar gyfer eu taenu i'w bwyta gan bobl. Mae'r Rheoliadau yn gymwys i'r DU gyfan. Mae effaith y Rheoliadau yn gyfyngedig i fynd i'r afael â diffygion yng nghyfraith yr UE a ddargedwir yn deillio o adael yr UE, er mwyn sicrhau diogelwch parhaus ysgewyll a hadau y bwriedir eu taenu i'w cyflenwi ar farchnad y DU. Mae'r Cynghorwyr Cyfreithiol yn cytuno â'r datganiad a osodwyd gan Lywodraeth Cymru dyddiedig 6 Chwefror 2019 ynghylch effaith y Rheoliadau hyn. Mae Cynghorwyr Cyfreithiol yn nodi bod memorandwm esboniadol Llywodraeth y DU, ym mharagraff 7.3, yn cyfeirio at swyddogaeth adolygu deddfwriaeth sy'n cael ei throsglwyddo o'r Comisiwn Ewropeaidd i Weinidogion Cymru (fel yr awdurdod priodol mewn perthynas â Chymru), ond nid yw'n ymddangos bod y Rheoliadau penodol hyn yn trosglwyddo swyddogaeth o'r fath. Mae’r crynodeb uchod o’r Rheoliadau hyn yn cadarnhau eu heffaith. Nid yw Cynghorwyr Cyfreithiol o'r farn bod unrhyw faterion sylweddol yn codi o dan baragraff 8 o'r Memorandwm ar Fil yr Undeb Ewropeaidd (Ymadael) a Sefydlu Fframweithiau Cyffredin mewn perthynas â'r Rheoliadau hyn.